Bagong Kabanata

Bago pa muling dumilim,
aking lilisanin ang lubak-lubak
na daan at lusak ng iyong alaala

patungo sa kung saan
Siya naghihintay,
siya na may dala-dalang liwanag.

May kung anong saya
ang sumalubong
sa aming banggaan

kung saan magsisimula
ang panibagong kabanata.
Sabay lalanghapin

ang mga bahaging bagong buklat
upang matuklasan ang muling salaysay
sa kasaysayan ng bawat

tibok ng pusong
tahimik na nakadiin
sa kasalukuyang pahina.

Bagamat walang masabi
hindi mapigil ang panalanging
Mahal, sana ikaw na nga.

---
And you thought I had nothing for you.
To she who makes me smile a lot, a lot.