Panamgo

Ang panamgo sang isa nga naga higugma

Palangga, kung tani imu mabatian ang handum sang akon kasing-kasing

Imu ayhan tatapon ang mga hutik sang akon tagipusuon?

Apang wala ka diri, kag wala kasiguraduhan ang nabatyagan mo para sa akon.

Ngaa bala may duta kag dagat pa nga napatunga sa aton nga duwa?

Kung diri ka tani kag kung dira man tani ako

Indi ko na lang pag dal-on sa damgo ang kahidlaw sa imu.

Kaangay sang handumanon nga ulan sa mainit nga adlaw

Kaangay sang handumanon nga tubig sa tunga sang disyerto

Amu ini ang akon pangabay, ang akon hingyo

Nga tani lupadon sang hangin o daligdigon sang tubig

Ang mga tinaga nga

Palangga... ginahigugma ta ka.